果粉聚焦：Apple Pay解封！iPhone變身八達通？

Apple系統一向較為封閉，當中iPhone的NFC技術就限制多多，例如以Apple Pay付款就要相應終端機才可以，局限了應用範圍。然而，日前Apple Pay的副總裁Jennifer Bailey在拉斯維加斯TRANSACT行動支付大會上，正式宣布Apple Pay將支援NFC標籤付費功能，意味將來畀錢毋須再經終端機，而係嘟一嘟NFC Tag就得，用iPhone泊車、租單車或自助購物再不是夢！

新功能最快今年稍後時間推出，至於香港人最期待的iPhone八達通，據知Apple將於6月WWDC開發者大會上公布更多NFC功能上的升級，其中包括能讀取基於ISO 7816的FeliCa及MiFare兩大交通卡標準，基於八達通正正使用FeliCa技術，所以iPhone短期內變成八達通，絕非無可能呢！