YEEZY BOOST 350 V2 Clay Kids ＆ Infants明開售

YEEZY BOOST 350 V2自2016年9月登場至今，兩年多以來合共推出過十幾款不同配色，平均三兩個月就會有一款新色推出，但2019年至今就只有Hyperspace、True Form及Clay三色推出，而且同樣以地區限定方式發售，當中香港就只可以買到Hyperspace配色，另外兩色就無緣入手。是次品牌就打破地區限定發售原則，於香港推出YEEZY BOOST 350 V2 Clay配色，不過只係得小童及嬰兒版本，並無成人尺碼。設計方面基本上與成人版本一樣，鞋身都是以Primeknit編織物料打造，外側有半透明劃痕，加埋BOOST中底及橡膠外底，緩震舒適亦具防滑性，大大提高小朋友著用時的安全性。呢對鞋5月18日就會公開發售，潮爸潮媽記得準時登上adidas網上商店或親身到銅鑼灣旗艦店入手。