決性11點:今時今日 脫星難搵食

2019年06月13日 22:30
東網電視
更多新聞短片
決性11點:今時今日 脫星難搵食(互聯網)

【性愛娃娃搶飯碗】
今時今日做脫星,唔單止要同性愛機械人鬥,連性愛娃娃都要分一杯羹,咁你話脫星邊有得鬥吖?本來性愛娃娃嘅市場係針對一班使得起錢嘅客人買返屋企玩,但係最近有一個叫「Doll Banger」網站崛起,改變咗整個玩具界。據成人新聞網表示,係由兩位資深情趣用品店老闆Jeffrey Dillon及Calvin Taunton創辦,佢哋見網民對性愛娃娃深感興趣,於是萌生將性愛娃娃當成脫星拍攝4K畫質動作片,老闆做男優,更以用家角度分享感受添!
最初佢哋只係諗住讓觀眾更易接受及深入了解性愛娃娃嘅玩法,點知網民當正鹹網咁追看,結果順理成章,娃娃變脫星,連光頭老闆都爆紅埋,索性做收費網站。兩位「男優老闆」落場獻技之餘,仲講埋點玩最過癮,兼會教埋你點保養,買完唔識玩仲可以上網問,服務照顧周到,你話依家脫星點同佢哋鬥呀!

【愈嚟愈難撈】
此外,據成人新聞網站報道,有研究中心嘅人員已經設計出一套新技術,令影片製作程式Deepfakes達到以假亂真嘅效果,所以大家都預計到「AI換臉色情電影」將會愈嚟愈普及。咁四仔界擔心啲乜呢?當然係錢啦,因為愛情動作片向來有價有市,家陣一套軟件就可以「全民DIY」,將來仲邊有人畀錢睇呢!其次係色情演員更加擔心,皆因技術發展太快,未來色情界唔需要樣靚偈正嘅脫星,求其搵對男女拍片,再後期製作出一部「完美四仔」,到時真係你肯剝肯砌都冇人要呀,難怪唔少脫星都呻愈嚟愈難撈!