香港估估吓：港漫都有抗爭行動？

喺香港漫畫當中，曾經有場面描述抗爭行動，呢部漫畫就係喺2014年出版，出自知名漫畫家司徒劍橋之手嘅《一零八Fighters》喇。

《一零八Fighters》故事由中國名著《水滸傳》改編而成，當中眾多梁山泊好漢亦有登場，而喺司徒劍橋嘅獨特人設技巧之下，除咗將眾角色都設計得各有特色，而使用嘅武功亦相當奇特且帶科幻元素，例如魯智深嘅絕技「黃金重穀」就畫到好似《高達》中嘅卡碧尼外觀咁。另外，人設方面亦作出好多破格改觀，例如將高俅設定為美艷女子，更與主角宋江有一段情。

故事其一幕講述高俅發兵攻打梁山泊，為求令高俅退兵，宋江就用計令眾多儒生發起靜坐包圍京師，令高俅要退兵返回京師解決抗爭事件，不知呢段劇情是否受漫畫出版同期嘅「佔領運動」所影響？