【地靈人美】天木純 享受夏祭懷念老家

2019年06月15日 23:58
東網電視
更多新聞短片
天木純早前到兵庫縣享受夏祭嘅熱鬧同美食。(互聯網)

雖然近期經落雨,但係咁都唔能夠阻止天氣愈來愈熱嘅趨勢,亦阻止唔到夏天嘅來臨。提到夏天,喺呢個日子去日本旅遊亦係好時機,因為當地不少地方都會舉行熱鬧非常嘅夏祭,最近日本寫真界新一代童顏巨乳女王天木純,亦參加咗一場夏祭,仲好應節咁換出清涼嘅小背心玩咗好多攤位遊戲,好似射的咁。享受夏祭期間,天木純亦不忘品嘗小食,仲話作為關西人就一定要喺夏祭食章魚燒,睇嚟天木純亦一定相當懷念自己嘅家鄉,位於日本關西地區嘅兵庫縣喇。

講到天木純嘅家鄉兵庫縣,當地名勝就包括有被稱為「日本第一名城」,亦係世界遺產之一嘅姬路城,亦可以去淡路島欣賞自然景象鳴門漩渦,夜間又可以去到位於神戶市嘅掬星台欣賞日本三大夜景之一。如果今次錯過咗夏祭,又想參加祭典的話,9月就唔好錯過參加高砂萬燈祭。