學Terry？拮幾針可以變聰明？

「你呢隻人頭豬，咁簡單都唔識做！」、「呀，你真係蠢唔係扮㗎喎！」

人氣處境劇《愛．回家之開心速遞》中，最近回復善良蠢笨的龍少爺Terry，曾經因為接受針灸加電流治療後，竟然變到奸險聰明，甚至比家姐「大小姐」更加狠心。究竟在面上拮幾針，是否可以變得聰明醒目？究竟世上有否聰明針，令人突然變聰明？

註冊中醫師黃晶晶說：「中醫針灸博大精深，可以幫助中風後遺症、小兒腦癱、腦退化等病復健，但卻無辦法令一個成年人突然變得無比聰明。從網路供圖所見，Terry所針的穴位，分別有印堂穴、迎香穴、顴髎穴、地倉穴、頭維穴、頰車穴等，這些穴位的搭配可以治療鼻敏感、面癱、面部腫脹、失眠等，還可以促進面部氣血運行、改善面色、皮膚下垂、暗瘡等。所以Terry針完後，應該不但變得精神，亦會覺得自己靚仔。戲中的聰明針，還帶有美容功效。」

其實人蠢不是問題，善良才是最重要！