黑鼆鼆竟然係西瓜雪條?

2019年06月20日 19:30
東網電視
更多新聞短片
日本樂天全新推出「黑肉紅皮」嘅「謎のスイカバー」西瓜雪條,係咪好想試?(互聯網)

數到夏日消暑美食,梗有雪糕雪條份,而且用料色澤都以時令食材及繽紛鮮艷色彩為主,但日本樂天今年反其道而行,全新推出嘅夏日新口味雪條「謎のスイカバー」西瓜味雪條就黑過墨汁,每條盛惠108日圓,約HK$7.8。

話就話用西瓜炮製,外形呈三角形,但成條黑鼆鼆,只係底部「果皮」那部分係紅色。成支雪條一如既往用上5%果汁製作,而黑色「果肉」內更藏有朱古力粒扮果核,至於點解係黑色?官方就話用上可可類食用色素製作咁話(乜可可唔係啡色嘅咩?)。

有網民搶試後直言,「果肉」部分其實同平時食開嘅西瓜雪條無乜分別,咬到「果核」嘅朱古力粒帶嚟脆卜卜口感,至於「果皮」,就有唔少網友話似足細個飲嘅「咳水」口味,果然有驚喜!