本日日本:香蕉售賣機出新裝 以體育作賣點

2019年06月24日 18:00
東網電視
更多新聞短片
低糖香蕉自動售賣機出新包裝並以體育作賣點。(互聯網)

日本自動售賣機,真係乜都有得賣!早在2010年,就有人喺涉谷推出咗一部香蕉自動售賣機,近年因應日本人追求健康嘅潮流,剛於6月20日推出咗重新包裝嘅低糖香蕉自動販賣機!

大概東京奧運愈來愈近,呢款自動販賣機不但強調低糖,仲以運動作包裝,有16款體育比賽圖案,包括田徑、體操、游泳、籃球、棒球等!大家都知,香蕉食起來方便,又有飽肚嘅感覺,一向都是運動員偏好的食物,而有關方面與「香蕉‧松樹研究所」合作,進行了臨床試驗「香蕉攝入量對運動的影響」,了解香蕉攝取量對運動表現及減少疲勞的影響。
原來該公司一向透過香蕉支持體育運動,而且多年來都向東京馬拉松運動員提供香蕉,因此便產生了以運動包裝香蕉這個念頭!

這次出售的「低糖香蕉」是在低地種植,有含水量低、澱粉含量低及含糖量低的特點,跟在高地種植的香蕉比較,含糖量低了13%!就算怕甜的朋友也不用怕了!此外,這部售賣機會將溫度保持在13度,是最適合保存香蕉新鮮的溫度!