【深夜字聊】套房隔音差 行房點算好?

20190814
東網電視
更多新聞短片
【深夜字聊】套房隔音差 行房點算好?(互聯網)
香港地房租貴,難得住到去套房仲要就住就住咁住,講緊就係喺呢位女網民身上發生嘅事。佢話:「我同老公租住套房,諗住儲錢兼等抽中居屋,只係呢間套房嘅隔音真係麻麻。話說住入去嘅頭一晚,就發覺聽到隔籬房嘅聲,我哋就知大鑊,咁我哋行房嘅聲音,咪同樣會被人聽到囉?結果經過我同老公研究,發現廁所嘅隔音係最好,於是我哋惟有喺廁所度進行。不過廁所真係好細,我哋只能做到一個動作,而老公又相當好耐力,真係搞到腳抽筋!於是早前我哋決定每個月搵兩晚喺外面爆房,你哋話搞成咁,認真辛苦呀!」
網友神回應:
凡語人:呢勻真係冇得做又忟,有得做又驚呀!邊個叫你哋冇樓又要結婚呢?兩公婆一齊捱吓,等吓未來苦盡甘來嘅日子啦!
KT:如果唔係有呢啲經歷,又點顯得以後嘅生活可貴呀?你呻吓就好喇,起碼你都有個鍾意嘅人同你一齊捱,我家陣仲係單身狗,想搵個人陪吓都冇。
詩樂:香港地係咁㗎啦,你哋起碼可以喺外面租地方住,如果同長輩一齊住嘅話,你哋仲麻煩呀,起碼家陣都算係有個二人小天地啦。
Tam:點解你哋之前唔喺夜晚睇吓間套房呢?租完先至發現隔音問題冇得投訴喎。下次你哋就要聰明啲喇,或者好快就抽到居屋呢!