車手都讚! Suunto 5耐力指「錶」

2019年08月17日 12:30
東網電視
更多新聞短片
女賽車手張瑛(Cherry)目前以Suunto 5訓練跑步以鍛煉耐力。(張錦昌攝)

專業GPS運動腕錶近年備受跑山族歡迎,但其他運動員也喜歡借此訓練。今次訪問的女賽車手張瑛(Cherry)便是其中之一,常用錶更是最近推出的Suunto 5。她指︰「車廂成50幾度,而且G-Force好勁,我試過賽完後要人扶着落車,所以一定要練跑操體能!」Cherry目前以跑步訓練耐力,Suunto 5支援80多自訂運動模式,可計算時間、平均圈速、強度區間及卡路里,方調整其個人訓練計劃。「佢個心率計都幾準,而且過分操練的話會作出提醒,唔怕Interal或Tempo Run時操爆偈!」

4大定位系統
賽車場大多處於偏遠位置,Cherry指若在場邊熱身跑步,很多手錶也未能定位。偏偏Suunto 5支援GPS、GLONASS、GALILEO及QZSS 4大衞星定位系統,提供高精度定位及準確的路徑規劃,她試用後也未曾跑到迷路。另外,在GPS開啟情況下,手錶的電池續航時間長達40小時,日常心率檢測模式更可用5天,大頭蝦唔記得叉電也不怕。

輕身易襯衫
去年推出的旗艦級Suunto 9系列,功能齊全但錶身略嫌笨重,令唔少絲打卻步。Suunto 5重量減至66g,錶帶闊度減至22mm,女士手臂較幼也戴得妥貼舒服,Cherry指:「好多運動錶個樣好Equipment,但呢隻就襯到衫出到街,而且佢有黑、白、石墨銅、勃艮第銅4色,男女都啱帶,當然多幾隻搶眼顏色就更加好!」Cherry又補充,手錶屏幕在日光下讀得清楚,但昏暗下卻較難閱讀,若改善埋就更適合夜操之用。