飲食嘗識:日式水羊羮 VS 中式紅豆糕

2019年09月13日 17:00
東網電視
更多新聞短片
中日都有紅豆糕,不過做法和質感大不同。(胡振文攝)
用紅豆做的甜品,種類繁多,中式紅豆糕和日式水羊羮的造型十分相似,今次就請來尖東一間五星級酒店的兩位大廚,為大家講解一番。據日本料理主廚辻伸夫師傅指,日式水羊羮會將紅豆加糖煮成紅豆蓉,加水烹調後以葛粉、寒天等令其凝固,在烹調尾段時會加入鹽來吊味。最後還會隔篩令質感更滑,倒模後會雪至凝固便完成。入口即溶、味道較甜,日本人會在新年食用,而且還會伴一杯抹茶以平衡口感。
高級中菜廳點心部主廚梁健偉師傅指,中式紅豆糕會以一半紅豆煮成蓉,另一半則保留紅豆粒的原狀以增加口感,其他材料有糯米粉、鷹粟粉和澄麵,令紅豆糕煙韌香滑又企身。想香氣更濃就會加入陳皮水和椰汁一齊整,最後倒模蒸熟便完成,其甜度較日式水羊羮輕。
【醒你全新iPhone出機小貼士】最緊要3個字 ─ 著數多!據聞去 csl 上台買機送換機服務,下年再想換新機話咁易!http://bit.ly/2ks3C2h