香港估估吓:港漫中最知名的月是……

20190914
東網電視
更多新聞短片
冷月高照,與烈陽爭輝,港漫當中最知名的月是……(互聯網)
今日係八月十六日追月夜,相信大家昨晚賞月意猶未盡,亦會喺今晚追月。提到月亮,喺港漫當中亦有好多武功、高手與月有關,而最出名嘅當然就係《醉拳》當中嘅月后啦!
月后真名為冷月為迷城城主之妹,二兄則為日帝烈陽,二人分別從城主習得絕世武學《窮蒼寶鑑》當中嘅月魄神武、烈陽神功,雖然兩套武功不及《窮蒼寶鑑》,但係喺二人手中施展亦威力驚人。日帝與月后為爭奪兄長留下嘅迷城寶藏而決裂,日帝就遠走東方創立烈陽教,而月后則於天山創立冷月教。幾十年之後,《醉拳》第一部嘅男主角王無忌要為仙兒報仇因而勇闖冷月教,期間意外釋放出被新任月后囚禁嘅新任日帝,繼而被捲入延續數十年嘅日帝月后鬥爭當中。後來,即演月后與日帝冰釋前嫌,以夫妻檔力戰王無忌,然而已經取得九宵真經下卷嘅王無忌武功大進,加上邪不能勝正,日帝月后終究不敵。
港漫《醉拳》於當年漫畫界可以說係經典,漫畫更加亞洲電視改編為電視劇,其中《日帝月后編》就被改編為《醉拳王無忌之日帝月后》,於1984年9月3日首播,當中男主角王無忌就由吳剛飾演,老牌演員張翼飾演日帝,陳莉莉則飾演月后。
【醒你全新iPhone出機小貼士】最緊要3個字 ─ 著數多!據聞去 csl 上台買機送換機服務,下年再想換新機話咁易!http://bit.ly/2ks3C2h