【慕尼黑直擊】Mate 30 Pro曲芒新操作

Mate 30 Pro其中一個特色就係用上6.53吋曲面OLED「環屏幕」，屏幕兩邊弧度達88度，正面睇猶如冇左右邊框，觀感超正！Mate 30 Pro仲抽走機側的實體音量鍵，輕觸兩下曲面位置就可以調校音量，拍攝時輕觸曲面位置可當作快門，就連打機都可以設定曲面位置為兩個輕觸鍵，絕對睇得又用得！軟件則預載Android 10作業系統以及EMUI 10，特別加入一系列智能功能，包括因應用家頭部方向而自動旋轉屏幕；當鏡頭偵測到非機主時，即時隱藏通知、記事內容；凌空手勢操作，例如手掌向上下撥時撥頁，5指一抓就擷取屏幕畫面，實試功能反應靈敏，用落就手，的確幾方便。另外，可以與Laptop例如Matebook 13配對，直接於Laptop上操控手機，甚至將手機、Laptop上的文件互傳，相當實用。

鳴謝：HUAWEI HK