決性11點:長期單身 原來有原因?

20190920
東網電視
更多新聞短片
決性11點:長期單身 原來有原因?(互聯網)
男人之所以一把年紀仲係單身,係因為樣醜,定係冇錢又冇樓呢?英國約會App公司The Inner Circle最近訪問咗1,008名單身男女,調查佢哋同異性相睇約會失敗嘅原因,結果發現有百分之五十七受訪男女表示係腳臭,皆因令人產生欠缺衞生嘅唔好印象,同埋會影響約會嘅心情。
其次係有百分之四十男女指係喺白天大量飲酒,因為大量飲酒會予人一種酗酒或冇自律性嘅感覺,約會唔失敗就奇。第三位係大汗,有百分之三十八男女覺得大汗所產生嘅異味非常難頂,濕漉漉嘅感覺亦令人好唔舒服。跟住順序落去嘅係穿着緊身三角褲、鬍鬚上留下防曬霜嘅痕迹、着背心、着人字拖同花粉症等。當中最令人摸不着頭腦嘅係,點解女士會咁討厭男人着緊身三角褲呢?真係諗唔明。