【趣怪一點】旅行想浸浴？一次性浴缸套跟身
20190925
東網電視
更多新聞短片
過往响酒店眼白白見住個大浴缸而無得浸，依家有一次性浴缸套，機會嚟啦！（設計圖片）
香港人出名鍾意去旅行，人在旅途，日日趕景點、趕Shopping，你咪話，有時都真係比返工更疲累！晚上返回酒店休息，見到個浴缸，真係好想不顧一切浸一個浴！不過，係人都知無論是多豪華的酒店，始終不是自己屋企，無論表面有多潔淨，始終揮不去暗藏污穢的陰影。
難道我們就此屈服於事實，錯！所謂命運能選擇，只要你能自備「一次性浴缸套」，便可以安心地在陌生浴缸享受浸浴！「一次性浴缸套」使用方法簡單，只需先用花曬噴濕整個浴缸，然後從浴缸邊開始慢慢鋪好浴缸套至覆蓋整個浴缸，浸浴後只需把浴缸套刺破放水，然後棄掉，夠方便也絕對衞生！