趣怪一點：BB車變滑板車？

BB車推得耐雙手好易變攰，如果架BB車可以用埋腳去推的話你話幾好呢？外國有人發明出一架結合滑板車及BB車的全新升級版BB車Roller Buggy，設計人員巧妙地將BB車底層金屬板加長變成滑板，等父母可以慳力的同時，仲可以享受埋玩滑板車的樂趣。大家或會擔心架BB車推得太快同引起意外，不過產品就話BB車設有雙重煞掣系統，坐椅設有安全帶加強保障。最正係坐椅採用可拆式設計，可隨時將之變成滑板車，設計非常細心。