【靚人靚景】MIYU　熱情闖「關」慶生辰

所謂年關難過年年過，除咗年關之外，每個人喺每一年仲有一關要過，就係生日又大一歲呢個關喇，好似性感巨乳美人MIYU就去到關島拍寫真集兼慶祝生辰喇！踏入20歲嘅MIYU，係五人女子組合「CHERRSEE」成員，亦係當中人氣最高一位，點解？除咗甜美靚女，皆因佢同時係寫真女郎，經常展露G Cup激凸身材，自然人氣高企啦！

呢本《Birth》就係MIYU最新推出嘅寫真集，亦係為慶祝踏入20歲而炮製，為隆重其事去到關島拍攝，大家都知，關島係一個充滿熱情氣氛嘅度假勝地，MIYU嚟到呢度，心情顯得零舍開心，笑容亦特別燦爛迷人，更換上火辣比堅尼搔首弄姿，將最引以自豪嘅身材盡情展露，男士們必定Like爆！