趣怪一點：電暖斗篷披出街 包你暖笠笠
20191017
東網電視
更多新聞短片
產品已於Kickstarter上架，最平US$79就可以入手，預計12月交貨。（互聯網）
好多怕凍人士屋企都會添置電暖氈，預早整暖被窩，瞓覺都特別舒服！如果想係客廳甚至戶外都可以暖笠笠的話，就要留意呢張V-Blanket。V-Blanket其實係一張無線電暖氈，但就改用斗篷設計，披上身更加方便、有型。V-Blanket將納米發熱物料與其他纖維編織，令外觀、質感與一般毛氈相近，而且發熱範圍更大。外層用上尼龍製成，令毛氈防水及防風；內層則採用棉布，提升舒適度。最重要係可以放入洗衣機清洗，唔怕污糟！
用家只要將任何5V電流輸出的外置充電池連接V-Blanket，只需30秒就可以將毛氈溫度提升至攝氏30度，設有高（攝氏54度）、中（攝氏45度） 、低（攝氏40度）三段溫度可供調校。
順帶一提，V-Blanket的頸部兩旁及後方均設有LED燈，可用作閱讀燈或提示燈，戶外活動就大派用場。