必買手信！大啖食涉谷忠犬八公

經常去涉谷站出沒的港客，肯定會對車站前的忠犬八公像有印象吧。話說當年有隻名為八公的狗狗，即使主人去世，仍然風雨不改到涉谷站等主人下班回家，如此感人事迹後來被報紙披露，大家深受感動下，於1934年在涉谷站為牠鑄造了銅像，並成為了當地的一大地標。如此具代表性標誌，大家終於可以據為己有帶番屋企喇！

涉谷區觀光協會日前宣布，於11月1日推出涉谷八公朱古力！顧名思義，正正係將八公銅像化身為一盒 8粒的牛奶朱古力，睇個造型算係OK精細，最緊要係話題性十足，買嚟做手信肯定皆大歡喜。此盒咁正的手信會於新開設的商場涉谷Scramble Square展望設施涉谷Sky內店舖SHIBUYA SKY SOUVENIR SHOP率先發售，而稍後亦會於多間專門店及百貨店登場。