防範「Phone」災 電話救生網
20191109
東網電視
更多新聞短片
電話救生網上下左右位置都有扣位，用來固定廁板之下以防移位。（互聯網）
當大家早已習慣過着一瞓醒打開眼就已經電話不離手的「Phone」人生活，行街食飯搭車睇戲不停撳撳撳之餘，就連去廁所「辦大事」都梗係要帶埋部電話入去先夠舒暢。相信自手提電話面世以來，應該都有唔少人試過唔小心將部電話跌落馬桶呢種悲慘經歷，尤其是現時電話愈出愈大部，行行吓街都可能跣手跌落地，更何況於廁所呢個環境下，有乜差池就更加不敢想象。
如果你都想避免「Phone」災發生喺自己身上，呢個專為廁板而設的電話救生網，絕對值得你擁有。電話救生網上下左右位置有四個扣位，用來固定於廁板之下以防移位，所用網布具有一定彈性足以承托從你手中滑落的電話，當然如果你部電話太細部的話，仍然係有機會唔好彩地跌正落中間一個大約汽水罐Size大細的圓孔（用嚟做咩唔駛講啦），但呢個機率一定低過你無安裝呢個救生網好多！