有覺好瞓！ 手提塵蟎剋星

天氣漸涼，無嘢比賴在床上更叫人舒服，但若然邊瞓邊感到周身痕，很大機會是塵蟎作怪！坊間的除塵蟎機琳琅滿目，若要徹底清理，最好使用手提式除塵蟎機，反覆清理床上每個角落。

最近JC Shop就引入咗隻Magic Lily CleanseBot，圓形機身尺寸16×16×5cm，只有手掌咁大，淨重390g，配合橡膠手挽，單手也能拎起。除了手持，它仲內置18個傳感器及機底車輪，識得自動在床褥游走而不會墮下，實測見粗糙的毛氈一樣如履平地，至啱懶人！

跟其他塵蟎機以拍打除蟎不同，它用的是靜態方法，內置UV-C燈輸出253.7nm波長紫外光，有效殺死99.99％細菌，抑制其繁殖能力 ，2米的床只需要30分鐘便可以清理乾淨。惟使用後建議再用小型吸塵機「善後」，以免塵蟎屍體成為同類營養。電量方面佢有4,800mAh，30分鐘充滿電可用兩小時。