LEGO新Office　砌出香港情

LEGO大家一定知係乜，但其辦公室大家又了解幾多呢？最近LEGO香港辦公室就來個大裝修，投資逾700萬港元打造，並由丹麥總部、倫敦及香港團隊共同設計，既有LEGO北歐元素，又富有「香港」特色。日前小記有幸參觀，甫進入辦公室，接待處便有一幅以香港高樓大廈為題材的LEGO馬賽克；再走入內部，其中一幅牆身更以逾17萬顆粒，砌出中環車水馬龍的交通景象，電車、的士映入眼簾，相當有親切感。

在辦公室的中心，竪立着一個以超過6萬顆粒拼砌而成的巨型Minifigure，旁邊是LEGO交通燈，維肖維妙仲識自動轉換訊號，呈現香港街道一面。講開街道，辦公室劃分為「九龍」及「香港」兩區，並以LEGO路牌分隔，包括「蘭桂坊」、「彌敦道」及「山頂」等等，再加上以香港地標，例如維多利亞港、彌敦道及天星小輪命名的會議室，係度返工特別有歸屬感！