生活夜校:香港航空成為歷史?原來係指另一間

2019年12月03日 19:30
東網電視
更多新聞短片
Hong Kong Airways係一間40至50年代以香港為基地嘅航空公司。(互聯網)
近期香港航空前途未卜,成為大家的焦點。假如我話畀你知,香港航空早已成為歷史,你會唔會以為我「造謠生事」呢?其實大家唔好搞錯,我講嘅香港航空係指Hong Kong Airways,並唔係今日成為話題嘅Hong Kong Airlines呀!
Hong Kong Airways係一間40至50年代以香港為基地嘅航空公司,成立於1947年,係香港第二家提供民航服務嘅航空公司。英國海外航空係Hong Kong Airways最大出資者,當時中國實施天空開放政策,容許兩地其中兩間航空公司飛行中港航線,因此,英國海外航空透過港航經營往返內地嘅航線。
四十年代末是港航全盛時期,當時大批內地富裕難民為逃避戰亂而來港,令港航多條往返內地航線十分繁忙,但中華人民共和國成立後,跟香港斷航,令港航失去多條主要航線,後來韓戰爆發,朝鮮半島航線也因安全理由而斷航(至韓戰結束後恢復至南韓的航線),令Hong Kong Airways經營變得更見困難。1958年,香港航空被對手收購,於是第一間香港航空便成為歷史。
到了2005年,海航收購了中富航空,並改名為香港航空(Hong Kong Airlines),不過兩間香港航空並無任何關係架!