【深夜字聊】綺夢對象 點可以話畀老婆知

2019年12月04日 23:58
東網電視
更多新聞短片
【深夜字聊】綺夢對象 點可以話畀老婆知(互聯網)
大家話唔會將綺夢嘅內容話畀另一半知呢?做男人梗係唔會咁蠢,因為有邊個唔知女人唔知幾時唔小器嘛。不過呢位男網民嘅情況卻比較特別,佢話:「我早兩晚發綺夢,而綺夢嘅對象係我前女友嚟。記得夢中我同佢啪啪啪,跟住就被濕濕嘅感覺整醒咗,點知我擰個頭去一邊諗住繼續瞓時,咦!老婆眼碌碌咁望住我嘅?跟住我感覺到老婆隻手從被竇裏面抽出嚟聞!噢!我先至醒起佢有時會將隻手搭住我下面瞓嘅,咁即係佢知我啱啱發射⋯⋯佢問我做乜無啦啦夢遺,我話呢排熱氣咗啲,點知佢追問我發咗乜嘢夢。大家有所不知,我老婆最憎人呃佢,但我冇理由直講吖,所以我就話夢到個陌生女人。佢瞄咗我一眼,跟住⋯⋯跟住到今日都冇理過我。唉,我老婆知道因工作關係,我仲同前度有聯絡,但我又真係唔敢講佢聽,究竟點做好呢?」
網友神回應:
兵兵:呢個時候梗係死撐啦!你都講咗你老婆最憎人哋呃佢,而喺你講出陌生女人時,其實已經呃緊佢,試問點可能家陣改口供,改咗你仲大鑊呀。
Patrick:夢到前度本嚟唔係個大問題,問題係發射一刻斷正畀你老婆。正所謂寧畀人知,莫畀人見,而你就直接衰喺佢手上,所以呢,梗係咪講呀!千祈咪講呀!
B.CC:你做乜呃佢呢?其實你以為咁講,你老婆就唔知咩。係,佢可能係估唔到你夢到嘅係前度,但好肯定嘅係佢知道你有景轟,單係呢點你就已經死硬。
夢麟:從你老婆嘅反應,就知道佢已經對你起疑。呢個時候其實只得一個選擇,就係繼續圓你嘅謊,因為不論乜嘢情況,其實你都已經返唔到轉頭。不過老老豆豆,你對Ex仲有冇性幻想?