環球膠事：冬天至出雪米糍　仲要心形問你怕未

日本人叫雪米糍做雪見大福，雖然只是便利店買得到的甜點，但當地人都深信在冬天食會帶來幸福，所以每年一推出新口味都會爭相搶購。12月2日剛推出了意頭十足的「もちもちしたら福来る」新包裝，全套共有4款，當中最引人注目當然是印有大大個「福」字的特別版，去開日本記得買來打卡。

不過在下星期一（12月9日）壓軸登場的「雪見だいふく ハートのいちご」更叫人期待，除了因為討人喜愛的士多啤梨味之外，粉紅色心心造型更令雪米糍變得前所未有的浪漫，還未正式發售日本女生已大讚「Kawaii」想據為己有，唔知香港會唔會有得賣呢？