瞓街都要搶！「至尊」春夏新作登場

塵世間有乜嘢比口罩更難搶？咪Supreme囉！但以香港人過去兩月線上線下嘅決心同毅力，肯定係地表最強。嚟到2月中機會嚟喇，皆因Supreme喺IG正式宣布2020春夏系列最新預告，而官網則表示，完整Lookbook及Preview將於2月17日正式發布。首系列單品則於2月20日正式於各地專門店上架。從社交網首發圖片所見，四枚單品包括有帽衞衣、藍色绒毛外套、土豪金刺繡外套及紅色棉質長褲，各位「Supreme粉」準備好未，假如你入到境經已贏在起跑線喇！