藤原浩操刀三方聯名鞋款

藤原浩（Hiroshi Fujiwara）在潮流界呼風喚雨能力從來無人會懷疑，基本上但凡咩波鞋牛仔褲有佢個人品牌fragment design「電一電」大家都一定爭相入手，超強嘅吸金能力早已得到各界認同，你見近期佢多次以fragment之名現身Moncler Genius企劃就略知一二。日前Moncler及藤原浩就先後於社交平台發布分別黑色及白色版本的聯名Converse Chuck Taylor All Star，鞋身設計細節包括：鞋側長方格縫線、中底上一串數字及黑色膠章上的閃電標誌等等，其實與過往藤原浩操刀設計的Converse聯名鞋款同出一轍，唯獨是鞋跟上多個Moncler標誌凸顯此鞋為三方聯名鞋款。雖然好多人都會覺得設計換湯唔換藥，但可以肯定對鞋正式推出，大家一樣會想盡辦法去入手！