本日日本:成田機場翻新洗手間「花樣」百出

20200326
東網電視
更多新聞短片
成田機場第一候機樓有剛翻新嘅創意洗手間登場,賣相華麗。(互聯網)
旅客去成田機場時人有三急嘅話,不妨忍忍稍移玉步,前往第一候機樓北翼一樓,事關該樓層嘅到達廳位置於昨日有經翻新嘅創意洗手間登場!話說為了迎接東京奧運及預計使用人數會不斷上升,2016年起成田機場嘅候機樓所有廁所都一致地引入聲音提示、給聽覺不靈光人士提示緊急事態嘅閃燈及L型扶手等設施,並陸續進行全面翻新。而剛翻新完畢嘅北翼候機樓洗手間,更特別採用了花作設計主題,入內你會見到牆壁有馬賽克瓷磚砌出櫻吹雪圖案,亦有小花瓶及盆裁作裝飾,帶來視覺及味覺嘅雙重清新!其他特色方面,包括設有人工肛門清洗水槽、換尿片專用台及Fitting Board。另外所有廁格都有空間擺放大型行李,甚至有兩格廁格(男女廁各一格)可以容納行李手推車。至於女廁方面,更特別炮製有位坐嘅化妝區,認真照顧周到。而廁所旁邊另設育嬰室,就算帶住BB出遊都無煩惱喇!