Home Office慳位A4打印　擺落櫃桶都掂

隨着疫情愈益嚴峻，不少人都留守家中Home Office，但喺屋企處理文件和Project，既要搵個地方「起壇」，做完嘢又要「走鬼」，Canon新推出的A4流動打印機PIXMA TR150可說是最佳文件拍檔，其機面面積只有322×210mm，同張A4紙差唔多，可輕鬆擺入櫃桶收藏。而且跟機附有充電池，可經USB-C接駁「尿袋」流動充電。還可經Wi-Fi直接將手提電腦、手機或平板的內容，彩色打印成A4文件或相片。

雖然機身細細，但PIXMA TR150的打印解像度達4,800×1,200dpi，配備5色墨水系統，其中包括染料（Dye）墨水，有效提升相片的對比度，而顏料（Pigment）墨水則能有效避免墨水漏邊等，打印黑白及彩色A4文件速度度分別達每分鐘9頁及5.5頁，足夠應付日常需要。