【入廚Tips】豬膶咁潺點搞？

坦白講，唔少人都鍾意食豬膶，尤其打邊爐，厚切灼到啱啱好就最正，之不過，唔少人都好怕自己處理新鮮豬膶，尤其係那外層，總好似滑潺潺咁，無從入手。

其實新鮮豬膶本身嘅質感確係滑嘟嘟咁，洗完依然「滑不溜手」，但並唔代表洗唔乾淨個喎。至於清洗，只要搵到血管位，之後開水喉沖，再以清水或加少許鹽的鹽水浸半個鐘左右，取出抹乾淨切片去筋即可。如果怕豬膶那朕腥味，大家可以喺烹調前加啲黃酒、鹽等嚟醃，豬膶入味得來仲無咗朕腥味添！