【入廚Tips】鮮蝦仁點煮至Q彈爽口？

如果你都有煮過蝦，你會發現，就算買新鮮活蝦回家，剝殼後煮都未必會爽口彈牙，咁，要點樣處理，啲蝦肉至會又爽甜又爽口呢？原來仲差幾個小動作。

將新鮮買返嚟嘅蝦去殼挑腸，以鹽搓洗起碼兩次，記得要用冷水或凍水，之後用毛巾或廚房紙索乾蝦肉水分，放雪櫃雪起碼半個鐘，令蝦流失水分更乾身，之後炒煮起嚟就會爽脆架喇！