唔係《上海灘》的丁力係邊齣電視劇？

浪奔，浪流……眨吓眼已經40年！回顧番1980年嘅電視圈，真係鬥得精彩，這邊廂有《大內群英》、《大地恩情》，那邊廂則有《京華春夢》、《千王之王》，以及由發哥周潤發主演的《上海灘》。圖中的鬍鬚仔，就係劇中嘅靈魂人物丁力，不過，呢張劇照唔屬於《上海灘》，你能講得出劇名嗎？

【一年推三齣】

答案係《上海灘龍虎鬥》，即係《上海灘》嘅第三集，除咗有丁力繼續孭飛，仲搵嚟黃元申、楊群、黃日華、歐陽珮珊助陣。話時話，1980年《上海灘》首播，確係勁受歡迎，尤其係發哥被亂搶射殺一幕，更令人留下深刻印象，難怪被評為上世紀80年代十大電視劇之首！電視台有見及此，就喺同一年推出《上海灘續集》以及《上海灘龍虎鬥》。