Top 3熱賣珍奶套裝　返屋企自己沖

珍奶可以話係備受年輕人喜愛嘅飲料，之不過各地因疫情而Stay Home，唔少舖頭又休業，故要飲杯珍奶都有點困難，尤其係日本，唔少地方仍然未解封，有珍奶專門店於是乎推出外賣套裝，讓粉絲自行在家沖泡珍奶過吓口癮。

由珍奶專門店Tapista早前剛推出的「おうちでTapista タピオカキット」（Home Tapista Tapioca Kit）（￥3,150，約HK$226），一套有店舖Top 3口味共6杯嘅材料及分量，口味包括「Tapistaプレミアムミルクティ」優質奶茶、「宇治抹茶ラテ」抹茶拿鐵及「厳選黒蜜ミルク」黑蜂蜜奶，唯一困難係，啲珍珠要自己再煮囉，之後加奶拌勻即成，大家也可以豆漿調混，甚至加點紅豆蓉以豐富口感添呢！最最重要係，選購珍奶套裝，可以全國免費送到府上，幾時想飲都無問題喇！