孖住愛寵行街街　好Sweet！

香港地有不少愛寵人士，正所謂「做狗(貓)都好過做人」，就連去街Shopping都想帶牠們一齊去， 現在機會嚟啦！大家不單止可以帶愛寵進入D2 Place，場內更引入多間特色寵物用品專門店，包括日式寵物超市Petkoikoi、寵物服飾店Momoji等，可以帶埋寵物一起去選購心頭好，喵、汪！Shopping完記得到天台花園逛逛，事關該處已改變成寵物共享休憩空間，仿真草地上有多款寵物玩樂設施，讓愛寵可盡情放電，同時亦增設沖洗設施，讓寵物可簡單梳洗整理。講多無謂，記得帶汪星人、喵星人來放鬆一下啊！