獨家消息：工廈食堂違規招待街客無王管

「間食堂門口對正條大街，掛晒招牌又貼埋廣告，咁樣宣傳招街客，擺到明係違規！」陳先生於觀塘經營食肆，發現附近有工廠食堂公然違反發牌條件招待街客，兼且「外賣到會都做埋」，慨嘆生意被搶，認為對其他領取普通食肆牌照的食店極不公平，「如果佢要做普通食肆就要先補地價，唔係計工廠呎價嘅租，成本高好多。佢依家咁平租，我哋點同佢爭！」

記者曾實地了解，發現涉事工廠食堂在工廈地下另設入口，入口當眼處貼上印有「特惠套餐，歡迎外賣，到會美食」海報。午膳時間食堂人客駱驛不絕，場內不乏白領，亦有地盤工人，多名員工更忙着整理外賣。記者甫踏入食堂，即有店員熱情招待，並拿出餐牌推介套餐，惟卻未有查詢「生面口」的記者是否為工廈職員。

食物環境衞生署證實有關食堂現領有工廠食堂牌照，接獲投訴後曾派員巡查，惟未有發現違規情況，又強調已警告食堂負責人，工廠食堂只可接待位於食堂所在的工廠大廈內僱員。過去兩年，食環署共接獲四宗工廠食堂違反牌照規定經營投訴，經調查後，一間工廠食堂被發現違反持牌條件，招待非受僱於所在工廠大廈內的顧客而被警告。

「如果淨係靠工廠客一定維持唔到，所以佢哋要被迫偷食，但係做街客，又會對其他街舖帶嚟壓力，所以食環應該改變個發牌條件，令佢（工廠食堂）可以唔影響其他人之餘又可以繼續生存！」立法會食物安全及環境衞生事務委員會委員陳恒鑌認為，工廠食堂發牌條件未有與時並進，不但令食環署有執法困難，更迫使食堂違規，惟禁絕對外開放或令工廠食堂被迫結業，擔心造成失業問題，建議當局盡快審視現有法例，以達致雙贏局面。