獨家消息：鄉村固網電話故障　電盈維修要「一年半載」

在科技普及的年代，竟仍有部份地區連最基本的固網電話服務亦無法入屋！大埔鳳園村居民陳小姐一直為電訊盈科用戶，1月初因地下電話線路受損，令電話、互聯網及電視服務中斷，但電盈竟指維修地線要等「一年半載」，「我屋企有老人家，有咩事點打電話求救？佢哋居然話唔鍾意可以唔駁！」陳多番投訴後仍獲覆維修最快須於8月才展開。

至於在元朗上新圍經營工程物料公司的賴先生，亦因電話線故障而被迫與世隔絕。賴指公司4條電話線於1月中斷，要求電盈維修卻遭冷待，「次次搵人嚟睇完就算，最後一次放就低咗卷電話線就走咗，仲話我要搵人鋪好先佢先嚟做接駁！」賴指因故障無法接收電話及傳真，令生意大受影響。

電盈發言人稱，已於日前完成大埔個案之維修工程，期間部分電話、上網及電視服務費已獲豁免處理；至於元朗個案則已向投訴人解釋，着其向地主申請，以讓職員進行更換電話線工程。

通訊局發言人表示，經向電盈了解後，得悉該公司已就大埔個案向政府申請許可證展開地下電線修復工程；元朗個案則因故障線路藏於私人土地，現已取得許可進行復修，預計日內可修妥。發言人又說，有關公司有責任按綜合傳送者牌照要求，提供全面的基本電訊服務，即合理地向所有在港境內人士以不高於公布的收費，提供固網話音電話服務。

「電盈咁樣拖住唔做（維修）好唔合理，通訊局到底有冇做過啲咩去規管？」資訊科技界立法會議員莫乃光指出，在鄉郊地區提供電訊服務成本較貴，故通訊局曾於牌照上要求電盈提供全面服務承諾，以確保偏遠地區同樣可獲服務，但質疑當局甚少積極規管。

莫又稱，現時增值服務如寬頻及電視等因不受全面服務條款保障，收費與服務範圍更幾乎全無監管，「政府一直話市場開放咗，就由個市場自己競爭，但一啲偏遠地區同舊樓嘅服務仍然唔夠，所以唔可以乜都靠市場競爭解決！」莫促當局積極研究解決方法。