獨家消息：食肆帳篷陣　廟街霸道失控

著名旅遊勝地廟街成阻街黑點，食環署每年僅得2宗檢控！「嗰度好多遊客，加上本身已經多無牌小販，啲食肆都唔理，仲要開晒帳篷同枱櫈出嚟，搞到條路勁窄，想行都行唔到！」黃小姐早前與友人到廟街近文明里附近晚膳時，發現不少食肆於行人路、馬路擺放枱椅，令通道擠得水洩不通，「啲伙記員仲要拎住啲熱湯行嚟行去，真係好牙煙！」

記者到場視察時，發現不少食肆除佔用行人路擴充營業外，更在馬路搭建臨時帳篷、擺放枱椅招呼食客，「帳篷陣」與攤檔之間只餘僅「兩個身位」通道，市民需側身而過。此外，亦見店員不時捧着熱騰騰的餸菜於人群中穿插，驚險鏡頭不時出現，而食肆亦將大批滿布污漬的碗碟置放行人路等待清洗，不但阻塞通道，衞生情況亦欠佳。

食物環境衞生署發言人表示，過去1年曾就上址所涉食肆非法擴展營業提出兩宗檢控。發言人又說，政府一貫之小販管理政策乃容許合法的小販活動及環境衞生、市民安全和免受滋擾中取得平衡。不過，發言人卻指上址不設固定小販排檔區，亦無持牌流動小販。

當區區議員楊子熙直斥食環署對違規食肆檢控率「超低」，毫無阻嚇性可言，「1年先得2宗檢控，佢哋邊會收歛？近呢幾年仲更加離譜，連帳篷都擺晒出嚟！」楊認為上址食肆違規擴展經營範圍情況日益猖獗，食環署有必要加大執法力度，或聯同其他部門合作打擊以改善情況。

楊又說，近文明里一段廟街的無牌小販問題，乃70、80年代港英政府遺留的歷史問題，惟食環署一直未有正視，「政府冇發小販牌好耐，但呢啲檔做咗幾十年，政府絕對唔以扮睇唔到，或者可以考慮特事特辦，將啲小販檔規範化，等環境同衞生問題都可以改善到。」