獨家消息:洪天路乍現不明鐵片 鐡騎士慘被跣

20140426
東網電視
更多新聞短片
馬先生不滿路政署於意外發生後仍未有及時除去地面不明鐵片。

公路暗藏殺機,路政署竟後知後覺!「嗰日喺天水圍出洪天路,啱啱轉完彎收油,車速都唔過50(公里),點知行行下架車唔知碌到啲咩跣胎,咁就炒咗車!」馬先生駕駛記錄一向良好,早前卻因一塊鐵片令他「千年道行一朝喪」。馬憶述,當日電單車因輾過地面上的異物後跣胎失事,車輛即告損毀,手腳多處受傷需送院治理,「好彩唔算重傷,之後望真啲,原來係一塊半米長嘅鐵片嵌咗喺地下!」

馬先生於意外當日已報警備案,但擔心不明鐵片會再傷及其他駕駛者,故於康復後即再向路政署反映問題,但答覆卻令馬更為氣結,「佢哋居然話意外嗰日承辦商冇發現路面有障礙物!已經有人受傷,都仲要咁求其,由得承辦商話冇發現就算,直到我去好番(2個月後)投訴先再去睇,結果真係見到塊鐵片,但都仲要死撐話『唔影響行車』,真係離譜!」

路政署發言人證實,接獲市民報告後確認事發現場有一細小金屬物件嵌入路面,相信由行駛中的汽車跌下,再遭尾隨車輛壓入所致,已即時移除並修復路面。不過,對於被指涉及巡查粗疏一事,發言人則未有正面回應,僅稱鐵片已嵌入路面致不易察覺。

記者於接獲路政署回應後再到現場視察,發現涉事鐵片已被除走,但路面卻留下長如成年人前臂的深坑仍未填補。根據網上實景地圖顯示,有關鐵片早在2011年5月或之前已出現於上址。

「路政署負責路面保養,竟然要三催四請先肯去解決問題,跟進又做一半唔做一半,好易再出意外!」立法會交通事務委員會委員鄧家彪狠批路政署敷衍塞責,未有以市民安全為依歸。鄧又指,現時路政署將路面維修及日常巡查等工作外判,但部門仍有監管責任,要求當局就事件檢討。

律師梁永鏗則說,倘事涉部門疏忽,傷者可提出索償,「如果證明到負責部門失職,市民係有權索償,就算部門判咗工作畀私人公司做,路政署都有責任去監督,所以一樣要承擔責任!」