獨家消息：市建局唔主導　土瓜灣業主焗住危樓

市區重建局在土瓜灣收購舊樓重建，製造大量牙籤樓，同時亦對有冧樓危機的舊樓視若無睹！啟明街有舊樓得到足夠業主同意，參與市建局「需求主導」計劃而獲收購重建，但同街另5幢「甩皮甩骨」舊樓，由於未達足夠業主同意，無法參加該計劃，有業主抱怨指「好多業主已經離世或搵唔到，有咩理由市建局唔主導，一併收購埋隔離左右嘅舊樓﹖」記者與專家帶同儀器測量，發現部分舊樓已「內外重傷」，包括外牆嚴重滲水、單位鋼筋生锈外露、樓宇出現暗斜及建築物料含鹽分。有專家及立法會議員直指樓宇有倒塌危機，要求市建局及屋宇署採取行動，保障居民安全。

「我喺度住咗24年，無錢搬走，近日石屎經常跌落嚟，只好搵個鐵盆遮住個頭，層樓好似就嚟冧咁！天花同牆壁都滲水，試過開燈嗰陣，燈膽因為潮濕而爆咗。」住在啟明街21號的業主梁伯，其逾50年樓齡的單位現況，是同街其他單位的「代表」。他在20多年前，購入該個200平方呎單位，近年天花及四邊牆壁都不斷剝落，輕輕一碰，石屎如下冰雹般掉下，令他每天活在冧樓惶恐中，「市建局收樓，應該一批過收，點解要留番我哋繼續住危樓?」

事實上，啟明街共有7棟樓齡逾50年的舊樓，約有300名居民。當中啟明街41至51號的業主較幸運，因為獲得逾6成7業主同意，成功向市建局申請「需求主導」，近日成為重建項目。同街餘下5幢舊樓業主即無法脫苦海，「不少業主已離世或搵唔到，無法達需求主導的業主數目要求，被迫要繼續住下去。」

記者委託香港公正行有限公司技術總監賴達明，帶同紅外線掃描器、導電感應器、水平尺、鹽分度計及試紙等在有關樓宇進行測量，發現舊樓有4大危機，包括大廈外牆嚴重滲水、單位鋼筋生锈外露、樓宇出現暗斜及建築物料含鹽分。

根據高清紅外線掃描圖片顯示，啟明街21號的大廈外牆，8成是深藍色，賴達明解釋，「藍色代表滲水，愈深色代表愈嚴重。」而透過導電感應器，發現梁伯的單位滲水情況嚴重，達94點5度，較正常35度，超出1倍多，而單位的主力橫樑石屎嚴重剝落，「石屎與鋼筋保護層只有2厘米，較基本要求4厘米少了一半，咁樣會令水氣滲入牆身，促使鋼筋锈蝕。」

賴利用水平尺量度，發現啟明街21號向51號傾斜1度，表示樓宇有暗斜。此外，他又在啟明街33號1個單位牆壁，刮取樣本檢測，發現每升含有3千毫克的鹹度，鹽分度計則錄得30度。「建築物料根本唔應該含海沙及鹽分，鹽分1度都嫌多。」

本身是建築工程師的九龍城區議員張仁康認為舊樓已「內外俱傷」，算是危樓。他解釋，大廈出現滲水，除有倒塌危機外，更會衍生漏電問題。而生锈鋼筋、物料含高鹽分、樓宇暗斜，「啟明街嘅舊樓好似患咗絕症咁，點都醫唔番，市建局應該主導回收重建。」他又指毗鄰舊樓即將拆卸，餘下舊樓頓失依靠，便有機會冧樓。

身兼市建局非執行董事的立法會議員蔣麗芸認為，市建局應做主導重建啟明街餘下舊樓，「市建局明知啟明街批樓係同一時間興建，有絕對危險，但收啲唔收啲，會令成個規劃好有問題！」屋宇署發言人表示，曾視察啟明街21號至43號的樓宇，並無發現危險迹象；市建局對於啟明街情況不作回應。