獨家消息：領匯天耀邨停車場保養差租照加

天水圍天耀邨停車場發生爆喉、滲漏甚至設施損毀等各樣保養問題，車主雖受盡滋擾，卻因區內泊位供應不足，被迫無奈繼續租用。李先生指指停車場位於天耀邨街市地庫，獲悉街市排水渠經常爆喉，懷疑因向下滲漏至停車場，引致場地出現潮濕及臭味等問題，「我租咗呢個（停車）場5年，租金加咗差唔多1倍，但啲設施問題就十年如一日，唔單止完全冇改善，仲愈嚟愈差！」

天耀邨停車場位於天耀廣場及街市地庫。記者實地視察時，發現位於廣場地庫的停車場設施未有出現問題，但當記者步近街市地庫的停車場位置時，即有陣陣臭味撲鼻而至，地面潮濕且有積水、天花則布滿點點水珠，外牆更疑因喉管滲漏而發黑並孳生蚊蟲，附近車位均以欄杆或圍板圍封。此外，通風槽更有生銹及及損毀情況，破口鋒利，隨時傷及途人。

領匯發言人未有正面回應停車場滲漏成因，僅稱已圍封涉事位置與採取臨時改善措施，以及安排維修工程。

「佢哋每次只係小修小補，圍封受影響車位又搞到啲車冇位泊，咁多年嚟淨係識加價，維修保養做極都做唔好！」立法會議員兼當區區議員梁志祥批評領匯拖延處理停車場維修保養，對車位租戶並不公平，「領匯接手停車場嗰陣已經有呢個問題，明明話會翻新個街市、改善啲排水之後，停車場嘅問題就會跟住解決埋，點知畀佢呃咗10年，到依家都仲未翻新！」

梁又指毗鄰屋苑的街市即將進行大維修，屆時天耀邨街市人流料會增加，估計停車場的滲漏問題會更嚴重，「隔籬天盛苑街市嚟緊會裝修，啲人會過晒嚟買餸，到時街市去水渠會更加不勝負荷，停車場爆喉問題會更嚴重！」梁要求領匯盡快作出相應預防措施，並盡改徹底翻新停車場及街市排水問題。