獨家消息：領匯賺到盡　屋邨通道變時租位

行車通道淪為「三不管」地帶，房署領匯再被揭權責不清！「啲車晚晚都喺條通道度泊過夜，有咩事消防車同救護車都入唔到。房署唔鎖車、領匯就直情放個閘喺邨口，收錢畀啲車入嚟，真係離晒譜！」陳先生為青衣長康邨停車場租戶，直指邨內通道違泊嚴重，房署卻鮮有鎖車，擁停車場管理權的領匯更於通道路口設置閘機，即使停車場爆滿仍任由車輛入閘，陳不滿領匯為盈利而犧牲居民利益。

陳先生又指，上址停車場無論月租抑或時租泊位均嚴重不足，令違泊情況加劇，「停車場本身就唔夠位，領匯就成日擺啲雪糕筒喺時租位，留番畀月租車用，搞到冇晒時租位，但就繼續放時租車入嚟，結果時租冇位泊就泊晒喺啲通道！」

「領匯擺正個閘口喺通道口，照畀啲車入閘泊去通道，好難怪街坊覺得佢賺到盡！」當區區議員徐曉杰指出，長康邨違泊問題癥結在於邨內車位供不應求，加上附近臨時停車場早前被改建成體育館，令違泊情況加劇。徐認為當局需盡快增加區內車位以根治問題，同時要求領匯將停車場閘口遷移，以釋嫌疑。

領匯僅透過停車場管理公司回應事件，發言人指上址緊急車輛通道屬屋邨公共位置，通道上不設車位，但管理問題則由房署處理。至於旗下車位的安排，該公司職員會就停車場內浮動月租及時租車位的使用狀況進行車輛控制，並預留適量車位供浮動月租車位用戶，以滿足各類駕駛者需求。

房屋署發言人則承認，基於屋邨通道設計，外來駕駛者要駛經邨內車輛通道，才能駛到由領匯管理的停車場。該署已在屋邨各緊急車輛通道出入口安裝消防閘及警告字眼，而職員在日常巡查若發現有違泊情況，會先向駕駛者作出警告，警告無效會扣押違例停泊的車輛。過去1年的執勤行動中，已有近20部車輛被扣押。

「條路就房署管，但領匯就喺路口收錢，反映咗當年房委會賣產畀領匯嗰陣冇搞清楚權責！」房委會資助房屋小組委員會委員柯創盛指類似情況常見於不同屋邨，認為房署當年賣產時未有釐清權責而導致今日惡果。柯指屋邨行車通道遭阻塞將影響居民安全，要求房署加強鎖車以杜絕違泊情況。