內地平貨濕紙巾無監管　食肆愛用

濕紙巾大行其道，現時飲食業普遍提供濕紙巾。香港餐飲聯業協會會長黃家和稱，「自○三年沙士一疫後，市民重視飲食衞生，好多食肆提供濕紙巾，大部分都從內地進口。不過濕紙巾一向無嚴格監管係咪符合安全標準，一般食肆礙於成本問題，都難以再拎紙巾去化驗。」

政府缺乏監管，食肆如何自保？香港餐務管理協會主席楊位醒指，本港食肆一般會向規模較大的供應商取貨，有時更會要求供應商出示安全認證，甚至會參考是否有上市公司光顧，事關一旦發生意外，必然會影響食肆商譽。楊以其食肆為例，他們會派物流採購部員工到供應商廠商檢驗參觀，「睇佢哋嘅安全證書，管理程度、清潔度及產品實物。」

楊不諱言，濕紙巾的價格相差頗遠，有濕紙巾一、兩毫就有一張，但一些大型供應商供應的濕紙巾，大批購入亦要五至六毫，小型食肆入貨量較少，價錢更高達七至八毫。「當然搵大型供應商入貨，質素一定較有保證。」

雖然不少食肆會提供免費濕紙巾，不過楊提醒市民要用得小心：「避免用濕紙巾抹嘴及抹臉，抹手後亦唔好再觸眼、耳、口、鼻；如發現香味特別濃郁，或有異味就唔好再用；唔好喺食肆拎走濕紙巾備用，因為普遍都係有兩至三個月期限，但包裝未必有印上，可能物料會有變質。」