獨家消息：滲水塌石屎險傷婆婆　部門跟進不力

一幢位於深水埗鴨寮街、樓齡逾30年的舊樓疑因長期受滲水影響，導致天花有巨型石屎塌下，戶主險「中頭獎」。「整過4次啦，但係唔使幾耐又再冧過，上次煮飯就有成10斤重嘅石屎突然跌落嚟，差一步就幾乎砸死我，依家呢個位用咗嚟擺雜物，我都唔敢再行埋去！」林婆婆與多名孫兒居於鴨寮街舊樓，10年前已發現滲水，曾多次向屋宇署與滲水辦求助，不滿至今仍了無下文，近年更需以膠盤盛載滴水，情況十分嚴重。婆婆又指天花因不斷有石屎剝落，更露出大量生锈鋼筋。

過去6年一直協助林婆婆的當區區議員劉佩玉炮轟屋宇署無視市民安全，「今次就話跌石屎，下次有人命傷亡邊個負責？滲水到依家都仲未解決，業主自己整過冇耐又漏過（水），一定要靠政府先可以搵到源頭，如果唔係一日住喺度一日都有安全隱憂！」劉佩玉坦言不滿當局拖延處理涉及樓宇結構隱患個案，令居民每日擔驚受怕，要求部門盡快處理事件。

滲水辦與屋宇署不但多年來有協助林婆婆處理滲漏問題，記者就事件向滲水辦及屋宇署查詣，至今逾3個月仍未獲部門任何回應。「依家都繼續搏命冧落嚟，屋宇署仍然係冇人嚟睇過，唔知搞咩鬼，完全唔理阿婆生死！」求助無門的林婆婆直言對政府部門完全死心。

「如果有咁巨型嘅石屎冧落嚟，已經係一個好嚴重嘅警號，明顯冇即時危險，一定要緊急維修，如果唔係有機會成個樓板冧落嚟！」香港公正行有限公司樓宇檢驗技術總監賴達明解釋，如要徹底解除危機，必先盡快找出滲水源頭，再終止滲水，並在滲漏位置進行一系列的維修工作，包括移除鬆脫石屎，更換鋼筋並作防锈處理，或需進行大型結構性維修，如只作表面維修將治標不治本，無法根治滲水問題。