九巴268C常飛站 乘客有得睇冇得搭
在黃大仙區工作的鄭先生習慣下班後於永光書院站等候乘搭268C線返回元朗,惟多次遇上巴士客滿飛站而大失預算,「我試過由6點鐘等到7點3,成個鐘都上唔到車!就算係咁不斷揮手都冇用,架架車都坐到爆晒,多人搭、唔夠車就開多1班車啦!」

鄭指即使能成功逼入車廂,卻要全程站立、慘成「沙甸魚」,「得番車頭少少位可似企,塊面仲要一路貼住車門返入元朗,我都有畀錢搭車架,點解要咁受罪!」鄭不滿九巴未有因應客量加開特別班次以作疏導,要求運輸署正視情況,督促九巴改善服務。

記者曾多次實地了解,發現該線巴士頻頻飛站,等候近1句鐘仍未能登車,期間車站約有20多人候車。

對於巴士頻頻「飛站」,九巴發言人未有正面回應,僅稱經抽查行車紀錄,除因上、落客多寡及路面交通令車務略受影響外,各班巴士均能按編定時間開出。發言人重申,班次安排需經當局審批落實,強調將密切留意該線服務,在資源許可下作靈活調配。

運輸署發言人則稱,過去1年曾接獲10宗涉及上述路線的班次不足投訴,接獲轉介後已即時派員調查,發現班次約為7分鐘一班,惟部分班次抵站時已客滿,已要求九巴改善有關路線的營運安排及加強班次。發言人又說,如個別巴士線分別在最繁忙的半小時及1小時內載客率達100%及85%,便會要求九巴增添車輛以應付客流。

元朗區議會交通及運輸委員會主席陸頌雄承認,曾接獲居民投訴該巴士有飛站及脫班情況,直言苦候1小時才可登車屬十分「離譜」,直指九巴的服務質素未達標準,「企喺車頭黃線外好危險,如果過咗載客標準,九巴就應該加密班次,唔係由得乘客繼續上車!」陸頌雄促運輸署加強監察九巴轄下路線載客量,免乘客繼續承受苦果。