寄韓國包裹遲大到　香港郵政被指冇交帶

港人柯小姐現居南韓，6月初回港與家人短聚，啟程返韓前曾分別於6月4日、7日及10日在尖沙咀郵局寄出4件包裹往南韓，獲職員承諾包裹會於1個月後送抵，結果卻大失所望，「我試過上網查，淨係見到運送狀況嗰欄寫住『準備離開』4個字，完全唔知個包裹去咗邊！」

直至8月中，柯小姐返抵南韓後仍未接獲包裹，雖不斷利用各種渠道向香港郵政查詢，惟所有查詢均告石沉大海，令柯小姐氣憤難平，「我試過上網查、寄電郵、填追查郵件表格，甚至日日打去追，都冇人答到我嗰4件包裹嘅情況，佢哋好似收咗800幾蚊郵費就完全置身事外咁，一啲都唔負責任！」柯小姐不滿香港郵政3個月來一直對問題置若罔聞，擔心包裹下落不明，蒙受損失。

香港郵政發言人證實，涉事平郵包裹於8月28日才派達並於翌日成功通知收件人，強調追查郵件期間一直與寄件人保持密切聯繫，亦已向當事人解釋事件始末。發言人又解釋，事件涉及負責船運郵件的承辦商延誤付運，已檢討現有流程並加強監管承辦商的日常運作。

不過，柯小姐坦言未能接受上述解釋，更踢爆香港郵政謊話連篇，「佢由頭到尾都冇搵過我講過件事，次次都係我自己搵佢，如果唔係靠《東方》幫手，我根本連件事係點都唔知！」柯小姐補充，雖然全數包裹已運抵，可惜部分物品因有損壞而被逼丟棄，坦言對香港郵政服務已盡失信心。

「原本預計1個月嘅平郵，用咗3個月去完成，成個過程仲要不聞不問，郵政收晒郵費就應該負最大責任，而唔係將個波推畀承辦商就當冇事發生過！」立法會發展事務委員會委員范國威直指香港郵政有推卸之嫌，要求當局向當事人道歉並盡快交代事件。范國威又建議，如有市民遭遇同類事件而導致經濟損失，可主動向香港郵政索償，以保障個人利益。