九巴99R唔跟時間表提早開 累客等多1個鐘
九巴99R來往西貢市中心及港鐵大學站,只於假日行走,而且每小時只開出1班,倘不幸「走車」便要呆等1小時才可乘搭。黎先生早前於假日黃昏6時15分到達西貢巴士總站等候99R,惟至6時30分仍未有巴士抵達,黎以為只是普通脫班而一直等待,惟再等10分鐘仍未有車。黎向站長了解後,才得知巴士早於6時10分已開出,「原本等15分鐘就有車,依家就變成75分鐘,我打電話去投訴仲要覆我紀錄係跟足時間表開出,有冇搞錯!」

九巴發言人解釋,當日由於車務調動關係,巴士要疏導乘客,因此班次需略作調整,又指會繼續留意該路線的服務情況,有需要時會靈活調配班次,配合乘客需要。惟發言人未有就車輛開出時間與事實不符一事作解釋。

「如果有車務調動好應該主動同等緊車嘅乘客講,而唔係由得成班乘客喺度呆等!」黎先生指以提早開出原有班次方式作車務調動,同時會引起嚴重脫問題,得不償失,要求九巴檢討。