九巴74A線1粒鐘1班車　運輸署死撐冇問題

往來觀塘啟業至大埔太和的九巴74A線由10月25日起大幅度調整班次，由原15至30鐘一班改為30至60分鐘一班，不但頭班車開出時間被推遲10至15分鐘，尾班車更提前1至2小時開出。自改動實施後，《太陽報》即接獲大量投訴，其中於中文大學上班的何小姐直指不少同事受影響，「以前朝早1架車就到中大，依家1粒鐘先1班，根本就迫人去搭港鐵！港鐵呢幾年成日都有延誤或者故障，影響已經好大，依家連巴士都減班次，有起咩事上嚟點返工？」何不滿九巴縮減班次未有顧及乘客需要。

「今時今日嘅香港，居然退步到1個鐘1班車，真係好難相信！」家住沙田的文小姐習慣乘搭九巴74A線往返大埔，直指現時上、下班時間皆每隔1小時才有1班車到站，坦言難以接受。文指過往74A已經常脫班，擔心大幅縮班後，候車時間會長上加長，「之前15至20分鐘一班車都要等半個鐘甚至9個字，佢依家1個鐘1班，分分鐘變相等2個鐘！」

九巴發言人解釋，由於74A線路線迂迴及客量長期偏低，且與其他路線重疊，遂調整班次及服務時間，以提高營運效率，強調是次調整將有助減少空氣污染，改善龍翔道及觀塘道一帶路面交通負荷。發言人續稱，會繼續留意該線客量變化，有需要會靈活調整班次。

運輸署發言人承認，自74A線班次調整後已接獲7宗投訴，但強調有關決定有助善用巴士資源。

「九巴拎得公共交通工具專營權，就有責任服務市民，條線客量少就應該諗下點改善服務增加客源，唔係一味縮班就算！」大埔區議會交通及運輸委員會委員任啟邦批評有關做法對市民造成極大不便，亦擔心路線最終難逃被削厄運，不滿運輸署未有做好監管角色，「唔止74A，同樣經大埔公路嘅72A都縮咗班，啲班次疏自然客量更少，九巴就更加明正言順同運輸署講減晒成條線！」