巴士路線重組不便病人 運輸署拒改善
家住青衣的吳婆婆膝部曾做手術,需定期到博愛醫院覆診及接受物理治療,過往會乘搭九巴264M線前往覆診,如今路線被取消,路程即變得轉折,「依家搭68E,落咗車仲要行好耐先到醫院,又要上落樓梯!如果唔想行,就迫住要喺元朗落車再搭的士,我邊有咁多錢?」吳婆婆直斥九巴路線重組前未有考慮長期病患者苦況,要求改善,「其他地方都可以唔去,但醫院我冇得唔嚟,又話路線重組係為方便市民,結果仲麻煩咗!」

九巴資料顯示,青衣居民如需前往博愛醫院,可乘搭往元朗方向的68E線並在楊屋村站下車。記者曾實地了解,楊屋村站與博愛醫院看似近在咫尺,但因現場不設行人過路處,前往醫院者必需步行至附近行人天橋以橫過馬路。有關天橋雖有斜道,卻不設升降機,記者以正常步速亦需10分鐘才到達,長者、行動不便者及輪椅使用者所需時間或更長。

運輸署發言人承認,制定路線重組建議時已備悉將對往來青衣及博愛醫院乘客造成影響,但認為人數不多,而該署作決定前會考慮各方意見,及平衡整體乘客利益、善用資源和改善空氣素質等因素,故在諮詢區議會後批准巴士公司取消有關路線。

「審議重組建議嗰陣大部分區議員都反對,事實係實施咗之後好多街坊都唔滿意!」葵青區議會交通及運輸委員會委員徐曉杰直斥運輸署及九巴一意孤行,罔顧市民利益,並指自264M線被取消後已接獲大量投訴,認為運輸署及巴士公司進行路線重組時應設立試行期,當有強烈反對聲音時應作調整及修改。徐又建議當局考慮在上址加設行人過路處,或在大欖隧道加設轉乘路線優惠,以減低對市民的影響。

立法會交通事務委員會委員王國興則批評運輸署把關不力,「唔係人數多少問題,而係老人家或者長期病患者通常都要成日要去醫院,運輸署好明顯就係考慮不周!」王要求運輸署及巴士公司盡快研究改善方案,長遠亦應檢討巴士路線重組成效。