仁濟醫院實習醫生新手抽血　病人右臂瘀腫如蛋

「搞到我隻手咁傷，好希望醫管局畀番個交代我！」現年80歲的劉婆婆稱，11月下旬因嘔吐不適而入住仁濟醫院，經檢查後證實為腸胃炎，留院期間由一名男職員抽血，惜對方屢次嘗試皆告失敗，「佢拮咗落去但係抽唔到血，抽番支針上嚟又拮過，試咗幾次都唔得，第二日我隻手就瘀咗一大撻！」

劉婆婆抽血後翌日出院，女兒到院辦理出院手續時赫然發現瘀痕，登時大感訝異，曾向醫護人員查問，僅獲覆「撳得唔好」，劉女懷疑抽血職員人欠專業。直至出院後5日，劉婆婆手上瘀痕雖已逐步消退，但仍感疼痛致難以入睡。

仁濟醫院發言人證實病人因腹痛、嘔吐及腹瀉向該院急症室求診，及後被安排入住外科病房。發言人說，病人抽血部位於抽血後會出現瘀痕，對於血液凝固能力較弱或血管硬化者，此情況會更加明顯，強調瘀痕會於稍後時間慢慢減退。至於當日為病人抽血者乃為正處於實習期的醫生，院方對是次事件造成病人之不快經歷而致歉。發言人又稱，病人出院時，病房職員發現其右手有瘀痕，擬安排接受醫生評估，惟家屬指家中有去瘀藥膏可用，故拒絕再見醫生。

「搞到病人抽唔到血、隻手又有瘀傷，可能涉及醫護人員嘅經驗同培訓！」關注病人權益的香港社區組織協會幹事彭鴻昌認為，醫護人員未能成功替病人抽血，應嘗試安排較有經驗的同事協助，亦需盡快替病人處理傷口，以作紓緩。

老人科專科醫生佘達明則說，將針咀拔出後，應使用適當力度按壓抽血位置約2至3分鐘，而部分病人血管較幼，醫護人員難以尋找，倘未能成功抽血卻將血管刺穿、拔出針咀後又未有妥善按壓，便會引致皮下出血形成瘀傷，「撳得唔夠緊，或者撳嘅時間唔夠，就會瘀咗一大撻！當時撳得妥當啲先可以減少瘀嘅面積！」如病人正服食通血管藥或阿士匹靈，此類病人凝血能力較差，則需要按壓更長的時間約7、8分鐘。佘表示，抽血造成的瘀傷約需時兩星期才能逐漸散去，病人毋須太擔心。