SUN揭秘：百年香莊掌舵人　見證沉香身價起落

一間開業近百年香莊，上星期遭賊人鑿牆爆竊。雖以往曾數次被爆竊，都是劫財為主；但今次則首度遭賊人偷香，失去約值3百萬元沉香木。賣香60年的香莊老闆華伯，見證沉香木身價起落，由無人賞識，到近10年受內地市場熱炒，慨嘆今次失去大批沉香，要重新搜購，相當困難。

「以前就叫華仔，之後就變華叔，依家就被人嗌華伯喇！」今年82歲的阮華，自10多歲便開始在永利檀香莊打工，香莊主要是售賣檀香原材料，直到於60多年前，香莊老闆不欲繼續營運，他便接手香莊，亦開始轉為零售。於50至60年代，香港的香木行業相當興盛，「賣檀香就淨賣檀香，賣沉香就淨賣沉香，單係專售沉香的店就有10多間。」當年沉香卻非隨便買得，要經沉香商會才可買到，相當矜貴。

但直到70至90年代初期，因內地禁止拜佛燒香，又限制外來貨物入境，香木銷路大減，香港的香木業亦因而沉寂數十年，「幾靚嘅沉香都無人欣賞。」

直至近10年，隨着中國經濟改革開放，不少人暴富起來，內地富豪再次興起燒香木。沉香點燃時被認為會釋出令人放鬆的香味，相傳有保健功效，「10幾萬1斤嘅沉香，買返去就係用嚟燒，幾豪氣！」加上沉香長年存放亦不會變質，可雕刻成工藝品收藏保值，展現氣派和身價，令沉香價格又再炒翻天。

檀香與沉香不同，無須點燃亦可發出香味，但要種20至30年才有香味發出；而沉香就更珍貴，要30至40年才有香味。培植經年、貨源少，加上內地熱炒等因素，沉香價錢升至1萬至50萬元1斤不等。

即使沉香近年價錢大漲，但華伯沒有為香木買保險，因他從未想過這些木頭會招惹盜賊，店舖曾數次遭賊人鑿穿牆進店爆竊，失竊的都是現金為主，「沉香喺一般人眼中咪又係木頭，邊諗到咁都有人偷？」結果，香莊上星期便遭兩名賊人鑿牆潛入，掠走近百件沉香，放於飾櫃的沉香擺設，都被搜刮一空，損失逾3百萬。

「肉赤就梗係啦，但依家都無諗喇，做生意發生呢啲事在所難免。」香莊出事後，華伯着人於被賊鑿穿的位置鑲嵌鋼塊，算是亡羊補牢，又打算安裝警鐘。金錢損失雖大，但令華伯最可惜的是，沉香供應有限，品質上佳的靚貨，有錢都未必買得到。

現時店內大部分極品沉香都被賊人掠走，剩下「較平價，又大件」的沉香擺設可幸免於難，安然留於飾櫃中，華伯指一指飾櫃內一件沉香擺設，「依家都係搵啲唔算好貴嘅沉香擺住先。」華伯因應要求，拿出該件價值8萬元的沉香拍照，怎料一個不留神，「咔」的一聲，「8萬元」應聲倒地，崩了一角，震怯全場。「無事無事，崩咗一塊都賣得嘅。」惟獨華伯氣定神閒，將沉香拾起，面向攝影師，繼續拍照。

「做嗰行，厭嗰行，我哋屋企唔會收藏啲木，我望住佢哋，咪又係木頭。」華伯自10幾歲就開始賣香，見證香木業的變遷。香港開埠時，是當年最大的香木進出口港，亦因香木，相傳「香」港亦因此而命名。

現時最優質的沉香大多產至越南和印度，但香港不時都有內地人斬伐土沉香樹，「其實嗰啲樹唔係好珍貴，只不過大陸啲土沉香都斬到無晒，就走嚟香港斬。」華伯稱，土沉香與正宗沉香不同，藉劈傷土沉香，引發樹脂溢出；而正宗沉香，又叫做沉水，「因種得夠耐，本身油份夠多，放進水中會沉下。」